Ayol kishi juda sezgir
bo’ladi-da! U gohida gaz
pechida suti toshib
ketganini, ovqati
kuyganini sezmay
qolishimumkin, ammo…
eridagi o’zgarishni
sezmay qolishi… aslo!
Men ham darrov
sezdim. Har gapida "jon,
jonim” deydigan erim
o’zgardi qoldi!
-ayol kishi ham shunaqa
bo’ladimi? Biram
befarosatsan-ey!
Kundan kunga qarib
boryapsanmi? Kiygan
kiyiming ham
yarashmaydi!
Qishloqiligingga
borasan… Ha undan
shunaqa gaplar eshita
boshladim. Avvaliga
parvo qilmadim. Erim
esa hamma yaxshi
odatlarini unutib qo’ydi:
"jonim ”so’zini, ikki
o’g’limiz bilan meni
aylantirib kelishni,
bozorga olib borib
yoqtirgan kiyimimizni
olib berishni…
Hullas, uyda o’zimni
ortiqchadek seza
boshladim. U faqat
o’g’illariga mehribon.
KUZATUV.
Eng birinchi qilgan ishim
ko’zguga qarash bo’ldi.
O’zimni tanimay qoldim:
"Sho’rlik Nigora!
Bolalarga, ishga,erning
injiqliklariga, ro’zg’orga
ulguraman deb adoyi
tamom bo’libsan-ku!"
Rost! Ko’zgudan menga
sochlari to’zigan, yuz-
ko’zlari xorg’in, ozg’in
va ko’rimsiz ayol qarab
turardi.
-Bu yurishingda senga
gado ham qaramaydi.-
dedim o’zimga o’zim.
Demak, erim boshqasini
topibdi. Birdan meni
muzdek ter va qaltiroq
bosdi. Kim u? qanaqa
qiz yoki ayol? "bu
dunyoda "yurmagan”
erkak yo’q” derdi bir
dugonam . qurg’ur
to’g’ri aytgan ekan-da?
Nega birdan bunaqa deb
o’ylayapman? Balki
boshiga musibat tushib,
menga aytmayatgandir?
Ilgari u kech soat besh-
oltilarda uyga qaytardi.
Hozir soat sakkizga
yaqin qaytadi. Men
ahmoq bundan hursand
bo’lib yurgan
ekanman:kelgunicha
hamma ishga
ulguryapman, ovqat
ham tayyor deb! Avval
tezroq va ko’proq savdo
qilay deb , juda vaqtli
chiqib ketardi. Hozir
bemalol. Yasan-tusan
qilib, atir sepadi.
Demak, boshqasini
topgan!
BIRINCHI MAKR!
O’ylanib qoldim:qanday
qilsam e’tiborini
tortaman? U har doim
meni ilk uchratgan
paytini entikib
eslardi:”do’konga bosh
suqding-u "Bu yerda
erkaklar kiyimi
sotilarkan” deding .
jingalak sochlaring
oppoq yuzingni to’sdi.
O’zim bilmagan holda
yugurib chiqdim…”
o’shanda jingalak
sochlarim sun’iy edi:
"ximiya”! hozir sochni
"kare” qilib kestirish
urfga kirgan bo’lsa-da,
go’zallik saloniga borib
ularni hayratlantirdim:
-sochlarimni "ximiya”
qilib jingalak qilib
qo’ying!
-voy xozir bu moda
emas!
-xechqisi yo’q!
Dori darmonlarni har
doim turmush o’rtog’im
bir kursdoshimdan
ulgurji narxda sotib
olardi.(hususiy
dorimxonamiz bor ) Bu
safar unga o’zim
qo’ng’iroq qildim:
-Olim, yaxshimisiz?
Ayrim dorilar
tugagandi.
Xo’jaynimning bugun
vaqti yo’q ekan…
Erim meni undan qattiq
rashk qilishini bilaman.
-allo, dadasi, yarim
soatda dorixonaga kelib
bizni olib keta olasizmi?
Bolalar bilan
birgamanda! Olim dori
olib kelgandi.
-Olim?- birdan u
kishinig avzoyi buzildi.-
Dori
"zakaz”qilmagandimku!
Endi turmush
o’rtog’imning uchib
kelishi aniq!
Adashmagan ekanman.
Erimning mashinasi
ko’rindi. Erim
dorixonaga kirganida
atay Olim bilan
gaplashaverdim.
Sezdim, u bir zum qotib
turdi. Salom bergach,
burilib qaradim. U
mendan ko’z uzolmadi.
Uyga kelguncha g’idi-
bidi aytishgan
bo’lsakda, kayfiyatim
zo’r. uning ilk
tuyg’ularini junbushga
keltira oldim.
IKKINCHI MAKR
O’sha megajinning
rostdan ham bor –
yo’qligini, bo’lsa, undan
sovitish yo’llarini
izlardim. Shu ilinjda bir
necha bor bozorga
bodim. Foydasi yo’q!
Menga Xudoning o’zi
yordam berdi. Bir kuni
turmush o’rtog’im
yuvinish xonasidaligida
qo’l telefoni jiringlab
qoldi. Darrov olib, yashil
tugmasini bosdim.
-allo, Kamol akam
bormilar?
Tutoqib ketgan bo’lsam
ham, o’zimni qo’lga
oldim:
-Akam vannaxonada
edi. Kim so’radi deb
qo’yay?
-Zarifa.
Jahl bilan qizil tugmani
bosdim. Qayta
qo’ng’iroq qilib, boplab
qarg’asammikin?
Qachondan beri erimni
"aka” qilib olibdi?
"To’xta, o’zingni qo’lga
olib, aql bilan ish qil!
Arqonni uzun tashla.
Balki bu bir oddity
tanishidir. Sharmanda
bo’lma tag’in.” O’zimni
ruhan tayyorlab erimni
kutdim. Albatta,
Zarifaxonning raqamini
o’zimga ko’chirib olishni
ham unutganim yo’q.
-Dadasi, Zarifa degan
qiz so’radi sizni,-dedim
ko’zlariga tik boqib,
jilmaygancha.
U duv qizardi.
-Ha-a, qo’shni
do’kondan,
"tovar”kelgandirda…-
dedi. Demak shu!
-"tovar”ni o’zi qabul
qiladimi? Eri yo’qmi
qarashadigan?-
hayratlangancha
so’radim.
-bor. Dardisar dangasa
emish. Ajrasholmay
yuribdi.
"Iloyim ajrasholmasin.
Ajrashib sizga
tegmoqchidir-da!” sal
qoldi bu gaplkar
tilimdan uchib
chiqishiga. Zo’rg’a
qaytarib qoldim.
Sezdirmaslik uchun
boshqa savolga
tutmadim.
Kuni bo’yi ularning
munosabatlariga darz
yetkazishni o’yladim.
Siqilib ketganimdan
kompyuter qarshisiga
o’tirdim. Internetdagi
pochtamga
kirsammikan? Shu
payt.. hayolimga bir fikr
keldi. Zarifaxonning
telefon raqami qaysi
kompaniyaga
tegishliligini aniqlab,
saytiga kirdim-da”SMS”
yozdim:”Sizni yollanma
izquvar kuzatuvga
olgan. Extiyot bo’ling!”
Ikki kun o’tib yana
yozdim:”Extiyot bo’ling
singlim. Sizga holis
niyatda yaxshilik
qilyapman. Lekin baribir
masalangiz hal
bo’lganga o’xshaydi”
"Zarifaxon, mening
SMSlarimni o’chirib
tashlang! Sizga yordam
berganim uchun baloga
qolishni istamayman!”
Bu mening uchinchi
SMSim edi.
UCHINCHI MAKR
Xabarlarim o’z kuchini
ko’rsatdi shekilli, oxirgi
xabarni yuborganimdan
keyin ikki kun o’tib
erim”yorildi”:
-Nigor, yollanma
izquvarlar haqida
haqida eshitganmisan?
"Dardini sizga
aytibtida!” Ichimda
kuldim.
-Yo’q, birinchi marta
eshitishim. Shunaqasi
ham bo’larkanmi?
-Men ham birinchi
eshitishim.
Kulgim qistadi. Erim
faqat bozorda yurgani
uchun kompyuter,
internet degan
tushunchalardan yiroq.
Demak, Zarifaoy ham
shunday.
Endi u kishiga "hujumga
” o’tdim: "Ilintirgan
ayolingiz bilan aloqani
uzing, ammo o’ziga
sezdirmang. Firibgarligi
uchun uni yaqinda
qo’lga olishadi. Uni
yollanma qotil
kuzatuvga olgan Iltimos
SMSimni o’chirib
tashlang ”
TO’RTINCHI MAKR
Tushlik vaqtida
telefonimni yashirin
raqamga o’tkazdim.
Endi bemalol
Zarifaxonga qo’ng’iroq
qilsam bo’ladi.
-allo, Zarifamisiz? Men
yollanma izquvar
Jamolovaman. Xech kim
yo’q joyga o’ting!
-A-a-a… bozordaman…
-Chetroqqa chiqing.
Kamol Oripovni
taniysizmi? Tezroq
javob bersangizchi? U
sizga uylanaman
deganmi?
-Uylanaman demadi.
Lekin yoqtirishini
aytgan.
Vujudimni olov qamradi.
Yonib ketdim. Ammo…
Bosiqlik bilan dedim:
-Uning gaplariga
ishonmang. Juda hyam
ehtiyotkorlik bilan ish
ko’ring. Sizga o’hshagan
bir necha ayolni
aldaganini bilasizmi?
Qo’yningizga kirib, bor
budingizdan ayiradi.
Atay eri bor ayollarni
tanlaydi u. eringizga
aytib sharmanda ham
qiladi. Biz uning izidan
tushganmiz. Yaqinda
qo’lga olamiz, sizlar
savdo qilayotgan
do’konlar qatori buzilib,
yangi joyga
ko’chirilyapti. Vaqt
yo’qotmasdan, undan
uzoqroq joyga ko’ching.
-Ho’p, rahmat, opajon!
Rahmat sizga,
ogohlantirganingiz
uchun!
Shartta aloqani uzdim.
Bir hafta o’tmay,
makrlarim o’z kuchini
ko’rsatdi. Ishdan yaxshi
kayfiyatda qaytgan
erim yuzimdan o’pib
qo’yarkan, dedi:
-Nigor, bozorda Zarifa
degan ayol ishlardi.
Haligi aytganim
yollanma izquvar uning
iziga tushganmish.
Bugundan bozorda yo’q.
eshitishimcha,
o’rikzordan joy
olganmish. Qo’lga
tushganmish, degan
mish-mishlar ham bor.
UNUTMANG, SIZNING
ENG KATTA
YUTUG’INGIZ-ERINGIZ
HALI SIZ BILAN! BU
YUTUQNI USHLAB
QOLISH VA QAYTA
SEVILISH O’Z
QO’LINGIZDA!